Задоволен сум што земјите членки на ЕУ денеска постигнаа политички договор за отворање преговори со Албанија и Северна Македонија. Им честитам на двете земји, напиша на Твитер еврокомесарот за соседска политика и проширување, Оливер Вархеји.
Ова, според него е гласна и јасна порака до Западен Балкан: Вашата иднина е во ЕУ.
Според Оливер Спасовски, тех.премиер во Владата на Р.Македонија, оваа одлука на ЕУ немаше да биде можна ако не постоеше договорот од Преспа но и договорот за добрососедство со Бугарија.
Спасовски на прес-конференцијата по повод почетокот на преговорите со ЕУ посочи и дека оваа одлука е исправање на стратешката грешка на Унијата во октомври, кога Франција не дозволи почеток на преговори со Македонија и Албанија.
Very pleased that #EU member states today reached political agreement on opening of accession talks with #Albania and #North #Macedonia. I wholeheartedly congratulate both countries. This also sends a loud and clear message to #WesternBalkans: your future is in EU.
— Oliver Varhelyi (@OliverVarhelyi) March 24, 2020
За почеток на преговорите агитираше и македонската опозиција на последниот состанок со еврокомесарот за проширување Оливер Вархелиј и унгарскиот премиер Виктор Орбан на состанокот во Будимпешта на крајот на минатиот месец.
