Бугарската министерка за надворешни работи Екатерина Захариева во интервју за германскиот весник ВЕЛТ пред десетина дена открива шокантни информации според кои Македонските власти поради неподнесување на проекти до механизмите на Унијата загубила 130 милиони евра од европско финансирање.
“Срамота е што, како соседни земји, ние дури и немаме железничка врска меѓу нас. Во исто време, ние сме на трасата на „Паневропскиот транспортен коридор 8“ – коридор на НАТО што треба да ги поврзе Албанија, Македонија и Бугарија. Има огромно доцнење. Ова го утврди не само Бугарија, туку и меѓународните институции кои го финансираат проектот. Македонија загуби 130 милиони евра во европско финансирање. За новиот период на програмирање, Република Македонија не предложи никакви инфраструктурни проекти исток-запад за финансирање од претпристапните фондови”, вели Захариева во интервјуто за ВЕЛТ.
