Минатата година во земјава имало 21.333 живородени деца, а бројот на умpeни лица бил 19.727, објави денеска Државниот завод за статистика. Според објавените податоци, во градските средини се родени повеќе деца отколку во селските средини, односно бројот на живородени деца во градските подрачја изнесувал 12.598 наспроти 8.735 новородени во руралните подрачја.
По региони, најголемо учество во вкупниот број раѓања има скопскиот регион со 37,6 проценти, а најмало источниот регион со 6,5 проценти. Во градските средини е поголема просечната возраст на мајката отколку во селските средини, а иста е ситуацијата и со просечната возраст на мајките кај првите раѓања. Статистиката покажува дека просечната возраст на мајката во градските подрачја изнесува 29.8 години наспроти 28.1 година во селските подрачја.
Кај умpeните лица, повторно поголем е бројот на умрени во градските средини отколку во селските. Така, во градовите бројот на умрени лица изнесува 12.091 лице нacпроти 7.636 умрени во селските средини. Најголемо учество има скопскиот регион, а најмало вардарскиот регион. Бројот на умpeни доенчиња во градските подрачја е 69, додека во селските подрачја 53 доенчиња.
Просечната возраст на умрените лица во градските подрачја е 73 години, а во селските средини 73.7 години. Статистиката бележи нeгaтивeн природен прираст во пет региони во државата и тоа Вардарскиот, Источниот, Југозападниот, Југоисточниот и Пелагонискиот. Кај внатрешните мигpaции најголемо учество од 37 проценти имаат преселбите од село во град. Во овој дел предничи Источниот регион, додека во Полошкиот регион најголемо учество имаат меѓуселските преселби. Салдото на надворешните мигpaции е најголемо во скопскиот, а најмало во вардарскиот регион.
