Очигледно и до ден денес, вистината не им е мила на нашите јужни соседи, бидејќи вистината претставува опасност по државата безбедност и јавното здравје на Грција. Имено договорот со Грција не ги реши проблемите на граѓаните кои имаат црн печат за влез во државата, само поради тоа што се бават со наука, поточно историја.
Се работи за историчарот Димитар Љоровски Вамвакоски, кој е претседател на друштвото на историчари на Македонија. Вамвакоски има забрана за влез во Грција бидејќи се смета за опасен по државната безбедност и јавното здравје.
Тој е професор на Институтот за национална историја ИНИ, и е прв човек на најстарото здружение од ваков тип во Македонија, професорот не добил никакво објаснување зошто е забранет неговиот влез во Грција. Ова не е прва забрана за Вамваковски, првата негова забрана истекла пред десетина дена, а ја добил пред неколку години.
