Се смета дека ќе бидат потребни 3 години за нормализирање на состојбата со Ковид-19. Околу 80% од населението треба да стекне имунитет, па дури тогаш сѐ да се врати во нормала, иако и откако ќе помине коронавирусот, ништо нема да биде како порано, смета кардиологот од Македонија кој работи во Швајцарија, Фљорим Цуцули.
„Ако продолжи вака ќе трае околу 3 години, сѐ додека не стекне имунитет 80% од населението, за да бидеме заштитени од Ковид-19. Така што, ако ова е точно, во наредните 3 години нема да имаме нормален живот. Ова е најпесимистичкото нешто што можам да го кажам“, вели Фљорим Цуцули.
Тој додава дека вакцина против Ковид-19 може да се открие најрано за 6 месеци. Цуцули уверува дека за спречување на пандемијата помага физичката дистанца, а не карантинот или изолацијата.
„Се претпоставува дека она што ја спречува пандемијата не е изолацијата или карантинот, туку социјалната дистанца, бидејќи има места каде и пред да почне целосната изолација, односно карантинот…. кај вас е доста построго…. Тука почна да стивнува пандемијата, поради што доаѓаме до претпоставка дека поголема улога играат други мерки, за кои не сме ни знаеле дека играат таква улога“, додава тој.
Како што вели Цуцули, состојбата во Швајцарија од 27-ми април ќе почне да се враќа во нормала и дека тоа ќе се прави во неколку фази.
Тамошните власти ќе ги отворат амбулантите и болниците за рутински контроли, ќе бидат отворени фризерските и козметичките салони, како и други поважни дејности.
Извор: ТВ 21
