Затоа што тоталитарната власт во Македонија веќе ја симна маската. Сега гледаме политички монструм кој ја уништува државата по сите параметри. Сега веќе и меѓународната му е крива. – Макрон, Тимоние, Франција. Ја заборава Холандија, Данска, лицемерната Грција и злонамерната Бугарија.
Својата деструктивност и криминогеност оваа мафијашка организација на власт која ја тормози и уништува татковината, а сето тоа го прекрива со нивните лажни претстави и ветувања, владее со терор и репресија. Името отиде јабана, а датум за преговори со ЕУ недобивме. Го дадоа НАЈСВОЕТО, НАЈСВЕТЛОТО, НАЈСВЕТОТО, а добија едно големо НИШТО.
Ова мора да запре! Не можеме да дозволиме да не турнат во амбисот на ужасот и уништувањето иако сме доведени до самиот раб. Се поради нивното константно злоупотребување на институциите во партиски и лични цели.
Ова веќе не е заробена држава, ова е поробена и уништена држава! Убиството на македонскиот народ е во тек. Се е спремно за негова ликвидација по налог на странскиот непријател, а во изведба на домашните предавници. Владеачката врхушка на власт, ја погази волјата на народот, изразена на референдумот, го промени Уставот на Република Македонија, а потоа и името на државата и идентитетот на македонската нација. Затоа треба акција, отпор и спротивставување. Граѓанската непослушност – МАКЕДОНСКИ НЕПОКОР е методот на борба кој сега веднаш треба да се примени. Инаку ќе биде доцна.
И затоа, МАКЕДОНСКИ НЕПОКОР! Сега и тука – во МАКЕДОНИЈА. И секаде низ светот каде што се МАКЕДОНЦИТЕ.
Македонски непокор
