Владата на СДСМ не запира со вдомување на партиски кадри во државните и јавните институции. Речиси и да не постои институција каде не бил распишан оглас за вработување, а изговор за вработувањата е поради привремено зголемен обем на работа во институцијата.
СДСМ додека беа во опозиција скоро и не пропуштаа ден а да не излезат на прес конференции и да не обвинуваат дека има превработеност во државната и јавната администрација, додека сега забрзано распишуваат огласи и масовно вработуваат партиски кадри.
Еден таков пример е новиот оглас на Службата за општи и заеднички работи (СОЗР) каде се бараат 35 нови вработувања поради привремено зголемен обем на работа на Владата на Република Македонија, а лицата кои ќе бидат избрани ќе бидат пријавени на определено време во траење од потребата на институцијата.
Но, дека се работи за партиско вработување, покажува и претходните огласи објавени пред само неколку месеци во истата институција, кога се распиша оглас за вработување на дури 32 лица. Вистинското прашањето е колку со ваквите шеми на вработување се зголемува и подобрува квалитетот на институцијата и колку партиските кадри на СДСМ се компетенти и можат да одговорат за ефикасно извршување на работните задачи на нивните работни места.
Јавноста изминатиот период е сведок дека актуелната власт и премиерот Зоран Заев забрзано ги полнат институциите со партиските кадри, најдобар пример за тоа се и неговите советници кои се вработуваат како од „ракав. Според она што го објавија дел од медиумите советниците на Заев се наградени со енормно високи плати, а мислењето е дека и не се баш компетентни и квалификувани за позициите кои ги добиле.