Министерката Мила Царовска на прес-конференција се обиде уште еднаш да ги излаже пензионерите и да го сокрие срамот затоа што владата на СДСМ и Заев им го скрати покачувањето и ги намали парите кои ќе ги земаат пензионерите со усогласувањето на трошоците за живот.
Со политиките на СДСМ покачувањето кое владата на ВМРО-ДПМНЕ го правеше, во просек по 5% годишно и го предвидуваше за наредниот период во својата програма, нема да го има воопшто.
Дополнително, покрај немањето на покачување, удар за пензионерите е е тоа што во усогласувањето на пензиите со стандардите за живот, укинато е линеарното усогласување според кое сите пензионери земаа еднаков додаток. СДСМ сега се враќа на старото усогласување според кое пензионерите со највисоки примања земаат најмногу, а оние со најниски примања најмалку.
Па така, оние со најмали примања не само што нема да добијат покачување, туку и со усогласувањето на пензии наместо иста сума со најбогатите пензионери, ќе земат 1% од сопствената пензија или околу 90 денари месечно.
Од мерките на СДСМ ниту еден пензионер нема да види фајде бидејќи нема покачување, а усогласувањето со трошоците за живот и просечната плата кое е законска обврска на секоја влада СДСМ го направи такво да им одговара најмногу на малкуте пензионери со највисоки пензии.
Со тоа она што Царовска го изјави дека за 2017 година пензионерите ќе добијат 2160 денари, не е точно:
