Антонијо Милошоски, пратеникот на ВМРО-ДПМНЕ повикувајќи се на дипломатски информации од Брисел, вели дека на утрешниот Совет на министри на ЕУ нема да има консензус за преговарачката рамка за Македонија, односно ќе има вето кое ќе биде четврто по ред од 2018 година.
Дополнително, според информациите на Милошоски ќе има став каде Советот укажува дека добрососедските односи остануваат суштински елемент во процесот на проширување, како и напомена за важноста Македонија да испорача видливи резултати преку конкретна имплементација на билатералните договори со Бугарија и Грција
„Дипломатски информации од БРИСЕЛ
Советот на министри на ЕУ (GAC) закажан за утре, 8️ ми декември, ќе се одржи преку видео-конференциска врска на министрите, без присуство. Ваквите онлајн седници на ГАК се сметаат за неформални и не можат да носат конечни одлуки или заклучоци.
Затоа Советот на министри утре ќе даде предлог-заклучоци за проширувањето, како и предлог-заклучоци за Македонија и Албанија во пакет. Овие предлог заклучоци ќе бидат предмет на усвојување од земјите членки преку начинот познат како “писмена процедура”, што трае еден ден, односно би требало да се потврдат на 9️ ти декември.
На утрешниот неформален министерски Совет, ниту за Македонија, ниту за Албанија, нема да има дискусија за предлог рамка за преговори со ЕУ, заради немање на консензус кај земјите членки‼️
Исто така, во предлог заклучоците на Советот на министри нема да има датум за почеток на преговорите со Македонија и Албанија, ниту датум за тоа кога би се одржала на првата меѓувладина конференција. Ќе има само препорака дека меѓувладината конференција треба да се свика што е можно поскоро, откако со консензус во Европскиот Совет ќе биде усвоена преговарачката рамка.
Дополнително, ќе има став каде Советот укажува дека добрососедските односи остануваат суштински елемент во процесот на проширување, како и напомена за важноста Македонија да испорача видливи резултати преку конкретна имплементација на билатералните договори со Бугарија и Грција.
Од 2️018 до крајот на 2️020 а ова ќе биде 4-то по ред вето за Македонија, односно со дипломатски речник немање на консензус за датум за почеток на пристапните преговори со ЕУ“, напиша Милошоски на Фејсбук
