„Јас и во текот на вчерашниот ден и за време на настанот споменав дека природата на нештата ги поврзува политичките партии, станува за центар десни и конзeрвативни политички партии, логично е дека и идеолошки но и на ниво на политичка програма има сериозен простор за соработка помеѓу ВМРО-ДПМНЕ и Коалицијата Алијанса за Албанците и Алтернатива. Вчера имавме навистина еден прекрасен панел организиран од страна на фондацијата „Конрад Аденауер“ кој што е наш стратешки партнер како ВМРО-ДПМНЕ, а во иднина ќе бидат организирани други вакви настани“, истакна претседателот на ВМРО-ДПМНЕ, Христијан Мицкоски во изјава за вестите на телевизија Алфа.
Мицкоски додаде дека многу важен сегмент за да се изгради партнерство особено политичко е довербата.
„Мислам дека довербата почнува да се гради и тоа на едно сериозно високо ниво, очекувам дека во следните вакви настани таа доверба само ќе се зголемува. И очекувам да отидам и чекор понапред од она што го кажав вчера, а тоа е да кулминира со една заедничка коалиција пред одржувањето на локалните избори и заедничка поддршка на кандидатите за градоначалници“, нагласи Мицкоски.