Лидерот на ВМРО-ДПМНЕ Христијан Мицкоски во вестите на МТВ истакна дека имаат доволно аргументи за кривични пријави за двајцата пратеници кои во Собранието влегоа во скафандери но оти никогаш не може да се знае како ќе постапи судството и обвинителството кога гледаме деновиве кој се е избран.
Тој се осврна и на изградата на новиот Клинички центар за кој власта ја обвинува опозицијата дека го блокира.
Мицкоски вели дека ВМРО-ДПМНЕ ги блокира измените на законот за јавни набавки и оти проект за изградба на Клиничкиот центар не постои.
Проект за иградба на Клинички центар не постои, има само физибилити студија од 35 страни и врз основа на оваа физибилити студија граѓаните треба да платат 503 милиони евра. Кога видовме дека станува збор на несериозен пристап сфативме дека овие овие луѓе освен пари ништо не ги интересира. Додека сум јас претседател на партијата нема да го дозволам додека не биде изготвен проект а не само 30 страници харија. Да за клинички центар ,но не за 503 мил евра за најкорумираната влада во Европа. Повторувам, проект не постои, туку само физибилите студија од 2019 година-рече Мицкоски.
