Моравиецки: Парите беа слатки, но вакцини нема во Европа

- Advertisement -

Фармацевтските компании кои добиле државна поддршка за развој на вакцината ковид 19 треба да ги делат правата на интелектуална сопственост со другите за да го зголемат производството, рече во петокот полскиот премиер Матеуш Моравиецки.

„Парите што ги потрошивме заедно за оваа цел беа наменети за научници и фармацевтски компании, а сега се чини дека заостануваат со производството, односно вакцините од европските фабрики се испраќаат надвор од ЕУ“, напиша Моравиецки на социјалните мрежи.

„Здравјето и животот на граѓаните се премногу важни за да бидат жртвувани за подобар финансиски резултат на неколку компании“, истакна полскиот премиер, додавајќи дека дал предлог за споделување патенти на самитот на ЕУ во четврток.