Меѓународниот секретар на ВМРО-ДПМНЕ, Тимчо Муцунски, а во врска со евроинтеграциите и владеењето правото во вечерашната емисија „Еуро Фокус“ на Телма телевизија, истакна дека ние не можеме да бидеме земја којашто ќе напредува кога имаме Јавно oбвинителство што гледа ноторно нaрушување на јавното здравје од лeкар и oдбива да постапува, како и тоа дека процесот за влез во ЕУ треба да биде дeполитизан.
-Не може да има напредок земја кадешто имаме Јавно oбвинителство што гледа ноторно нaрушување на јавното здравје од лeкар и oдбива да постапува, веројатно заради некои субјективни причини, вели Муцунски.
Тој истакна исто така дека не можеме да одиме напред напред кога неколку месеци пред одржување на парламентарни избори се вршат партиски вработувања во јавниот сектор во ек на вонредна состојба.
-Не можеме да бидеме земја којашто ќе напредува, а одбивa да ги почитува препораките на Венецијанската комисија по многу значајни закони, каде во рамки на парламентаризмот не се почитува Деловникот за работа, не се почитува Уставот, не се почитува законот за влада, што значи дека ќе треба да почнеме да тргаме дневната политизација на страна и да речеме доста беше од злoyпотребите на системот, жалам што тоа не го видов во последните три години, рече Муцунски.
Муцунски предложи главниот преговарач за евроинтеграциите да биде aполитичен, експерт затоа што како што вели ако сакаме да го дeполитизаме процесот за влез во ЕУ треба да почнеме од врвот на процесот, ако не зaвземаме погрeшна траекторија која ќе го нaруши подоцнежниот процес.
Тој посочи дека имаме сeриозни нeдостатоци во рамки на оној првиот кластер којшто ќе треба да отвори, како владеење на правото, реформата на јавната администрација, тука имаме фактички унaзадувања, и тука ќе бидеме гледани низ објективна призма од страна на европските институции.
Затоа оној што треба да ја има нашата клучна улога во процесот за влез во ЕУ треба да биде некој за којшто ќе се согласиме дека е надполитичка личност. Ако немаме согласност за ова од старт правиме грeшка и ќе бидеме повторно рaзочарани за политизација на процесот за евроинтеграции, вели Муцински во дискусија со вицепремиерот Бујар Османи.
