Ревизијата на учебниците, заедничката прослава на истopиски личности и настани со Бугарија и гаранции дека земјава нема да се залага за правата на македонското малцинство кај источниот сосед се дел од компромисите кои ги направи Владата а мнозинството граѓани смета дека се неприфатливи.
Високи 49% од граѓаните сметаат дека ревизијата на учебниците е неприфатлив компромис, додека само 24,6% можат да го прифатат.
Интересно е дека само 5,6% етнички Албанци се противат на ревизијата на учебниците, наспроти 63,1% од етничките Македонци. Спротивно на ова, високи 45,6% етнички Албанци немаат против да се прави ревизија на учебниците, додека овој компромис е прифатлив само за 18% анкетирани eтнички Македонци.
Во споредба со анкетата која ИПИС за Детектор ја изработи во февруари годинава, има намалување на бројот на граѓани за кои ревизијата на учебниците е прифатлива и зголемување на бројката на оние за кои тоа е неприфатливо.
41,5% од граѓани не прифаќаат заедничка прослава на истopиски личности и настани, додека 32,5% сметаат дека ова е прифатливо. Гледано според етничкиот состав, Заедничката прослава на историски личности и настани е неприфатлива само за 4,8% етнички Албанци додека истата ја прифаќаат само 19,8% од етнички Макдонци.
За 46,7% анкетирани неприфатливо е земјава да дава гаранции дека нема да се залага за своето малцинство во Бугарија, додека 27%, сметаат дека ова е прифатливо.
Анкетата на Институтот за политички истражувања е спроведена за потребите на емисијата Детектор на Сител Тв во периодот од 4 до 7 октомври врз репрезентативен примерок од 1106 испитаници.
