- Advertisement -
- Advertisement -
Седум лица се испитуваат на коронавирусот, а овој пат сите се од градови кои досега немаа сомнителни случаи или заболени лица
Седумината се жители на Штип, Куманово, Тетово, Кичево и Охрид кои дошле од Швајцарија, Австрија и Германија.
Состојбата според министерот Венко Филипче, на жената од Дебар која беше на респиратор е стабилна. Две родилки, сомнителни на заразата се ставени во изолирани простории во болниците во Охрид и Скопје и со под постојан надзор до породување.
Филипче ги откажа сите стручни колегиуми во Клиничкиот центар, а отсега ќе се примаат само итни случаи додека останатите ќе бидат суспендирани. Ова не важи за малигните заболувања.
Затворени се сите трговски центри, освен маркетите и аптеките кои функционираат во нив.
