Иран го загуби својот најстар жител кој, според неговите лични документи, почина на 138-годишна возраст, пренесува новинската агенција „Ирна“.
Ахмад Соуфи почина вчера во градот Сакез во провинцијата Курдистан на западот на Иран, пренесува новинската агенција „Ирна“ и додаде дека Соуфи починал од старост.
Агенцијата ги објави и неговите лични документи, според кои тој е роден на 28-ми февруари 1882-ра година, што значи дека Соуфи починал на неверојатна 138-годишна возраст.
Инаку, во Иран, курдското население е познато како прилично долговечно.