Во ѓубpe годишно завршуваат повеќе од 1.000 милијарди долари поради храна. Околу една третина од произведената храна во светот, односно 1,2 милијарди тона годишно – се фрлаат, што значи дека во ѓубpe завршуваат повеќе од 1.000 милијарди долари, проценува Организацијата за храна и земјоделство (FAO).
Во развиените земји се фрла околу 40 отсто од храната во фаза на продажба и консумација, а во земјите во развој 40 отсто во фаза на производство.
Најмногу се фрла овошје и зеленчук, потоа риба и месо, а во домаќинствата се фрла храна во вредност од околу 1.800 долари.
Новата студија покажала дека производите со многу долг рок на траење, како кафето, шеќерот, солта и оризот, во случај да бидат соодветно складирани, употребливи се и до една година после датумот кој е отпечатен на пакувањето.
Во втора категорија спаѓаат производите со долг рок на траење кои ги содржат сите својства до два месеци после истекнувањето на рокот, како што се житариците, благите работи, маслото…
Производите со ограничен и краток рок на траење, како млечните производи, свежото месо и риба, воопшто не би требало да се јадат после истекување на рокот на трање.
