Наместо 3.000 денари, добиле само 322 денари, пензионери на кои не им следува ниту денар, добиле огромни суми пари на своите сметки. Некои пак се жалат дека ги нема на листата на сајтот „kupuvamdomasno.gov.mk“, кој пола од времето не ни работи.
Лавина реакции на социјалните мрежи откако на виделина излегоа имињата на граѓаните кои ќе добијат пари за купување на домашни производи, објавува „Алфа“, а според телевизијата најголем број од револтираните се млади кои биле одбиени, особено оние под 18 години кои немаат лична карта. Инаку картичка им следува на средношколците и студентите на возраст од 16 до 29 години.
На сајтот кој поради навалицата правеше падни – стани, можат да се видат само оние лица кои ќе добијат платежна картичка за купување домашни производи. Граѓаните реагираат, прво зашто бил не стабилен, и друго кога ќе се пронајдат сумата не била онаа ветената.
