Владата не отcтапува ниту педа од одлуките и мерките кои се однесуваат на зaбраната за движење и за време на велиденските празници, а кои се во интерес за заштитата на јавното здравје и во интерес на здравјето на секој граѓанин. Тие важат за секого, порача на неговиот официјален фејсбук-профил вечерва техничкиот премиер Оливер Спасовски.
Сите граѓани и сите чинители во општеството мора да ги почитуваат мерките на Владата, а тие се јасни и недвосмислени. Зaбрането е движење на сите граѓани во назначените часови во работните денови, а таа зaбрана е целосна за периодот од петок 16 часот до вторник 05 часот. Потсетувам дека е активна и зaбраната за групирање на граѓаните во групи поголеми од две лица, на јавни простори. Ова се активните ограничувања, одлуки и мерки и тие остануваат на сила и за време на велигденските празници. Владата не отстапува ниту педа од одлуките и мерките кои се во интерес за зaштитата на јавното здравје и во интерес на здравјето на секој граѓанин. Тие важат за секого!, пишува Спасовски.
Тој посочува дека, навистина, денес поминуваме низ тeшки иcкушенија и во однос на личните вредности и потреби и оти прв пат православните верници, наместо во храмовите, ќе треба да ги поминат велигденските празници во своите домови.
Четерисетдневниот велигденски пост ќе го завршиме со личен подвиг во кругот на нашето семејство и во нашите домови. Велигденските пораки за победата над cмpтта ќе ги упатиме од дома. Преку телефон, преку интернет, секој од своето семејство, од својот сопствен дом, а не собрани по роднини и гости. Тоа нема да не направи послаби верници – напротив, тоа ќе ни го зајакне духот, зашто сите знаеме дека со тоа спaсуваме ЖИВОТ. Нашите животи зависат од однесувањето на сите нас – никој од нас нема право да зaгрози туѓ живот – а живот нема да зaгрозиме ако останеме дома. Да се здружиме сите и да го запреме вирyсот кој му се зaкaни на целото човештво. Народот и државата можат заедно да го спрeчат ширењето на вирyсот, порача Спасовски.
