НЕМА ШЕТАЊЕ НА МИЛЕНИЧИЊА ЗА ВРЕМЕ НА ПOЛИЦИСКИОТ ЧАС: Повлечена одлуката за прошетка на миленичињата од 20 до 21 часот во Србија

- Advertisement -

Српската влада денеска рeши да ја повлече одлуката со која беше дозволена 20-минутна прошетка на домашните миленичиња меѓу 20 и 21 часот. Од Владата на Србија велат дека потегот е поcледица на мислењето на експерти, без да се наведат дополнителни детали или објаснувања.

Во Србија полицискиот час почнува во 17 часот и трае до 5 часот изутрина. За викендите, според денешната одлука, ќе почнува во 15 часот.

Во земјава министерот за внатрешни работи Наќе Чулев денеска изјави дека е можно во наредниот период Владата да заземе став за луѓето што живеат во колективни станбени објекти и имаат миленици, на одредено растојание од објектите да можат да излегуваат со нивните миленичиња со цел извршување на нужните потреби.