Новиот американски стратешки бомбардер Б-21 „Рајдер“ може да предизвика големи тешкотии на руските системи за противвоздушна одбрана, пишува весникот „Национален интерес“.
Авторот на статијата, Крис Озборн, нагласува дека многу карактеристики на овој авион можеби никогаш нема да бидат декласифицирани. Сепак, висок претставник на американското воздухопловство изјави дека новиот „невидлив“ бомбардер ќе претставува закана за која било цел, каде било во светот, без оглед на времето од денот.
-Озборн не ја отфрли можноста Б-21 да биде тестиран на системи за противвоздушна одбрана слични на руските и кинеските.
Новинарот потсети на системите С-400 и С-500, кои, според креаторите, можат да откријат и уништат „невидливи авиони“. Иако руските системи за противвоздушна одбрана се ефикасни, задачата за пронаоѓање и уништување на усовршениот Б-21 ќе биде исклучително сложена за нив, додаде авторот. Според него, на Москва ќе и требаат почувствителни радари кои можат точно да го следат движењето на бомбардерите. Присуството на целосно нови технологии во авионот може да стане „најлош кошмар“ за Русија, заклучи новинарот.
Компанијата „Нортроп Груман“ го развива авионот Б-21 „Рајдер“, а се планира да започне со негово користење во 2025 година. Надворешноста на авионот потсетува на Б-2: двата проекти се засноваат на концептот на тешко пронајден авион кој лета со брзина под брзината на звукот, изграден по шема „летечки крила“ и способен за носење ракети или бомби.
Една од главните задачи на таков бомбардер, покрај изведувањето нуклеарни напади, е таен пристап до подрачјето на лансирање проектили или фрлање на бомба и уништување на главните непријателски објекти за противвоздушна одбрана. После тоа, тактичката авијација ќе може да работи во релативна безбедност.
