Инфомакс ексклузивно дознава дека носителката на листата за Советот на Град Скопје. Доц. Д-р Софија Пејкова се повлекува од ангажманот во Советот на градот.
Пејкова има богата политичка кариера во СДСМ, но и е почитуван доктор хирург на Клиниката за пластична и реконструктивна хирургија.
На прашање на Инфомакс, Пејкова потврди дека се повлекува од својот ангажман во советот и вели:
-Се повлекувам од Советот на Град Скопје поради зголемен професионален ангажман на Клиниката за пластична и реконструктивна хирургија и на Медицинскиот факултет во Скопје.
Таа во моментов е директор на Клиниката за пластична и реконструктивна хирургија, но воедно е и редовен професор на медицинскиот факултет во Скопје.
СДСМ во првиот круг од локалните избори за Советот на Град Скопје освои 53 илјади гласови или околу 23 проценти од излезените гласачи и освои 12 советнички места.