Анкара тврди дека се бори против „теророт“, иако немало поголеми терористички напади во Турција во последниве години. Вистинскиот терор, според локалното население, доаѓа токму од Турција.
Турција оваа недела продолжи со кампањата за бомбардирање села во автономниот регион Курдистан во северен Ирак, оштетувајќи ги домовите и црквата на локалните христијански малцинства.
Институтот за асирска политика забележа дека „вчера, асирската црква Мар Joсиф на исток во асирското село Мусака во Барвар, северен Ирак беше оштетена за време на турската воздушна кампања насочена кон осомничени позиции на ПКК во областа“.
Според локалните извештаи на Рудард и други извори, бомбардирањето оштетило христијанско село и црква. Еден селанец од Миска рече дека бомбите паднале во близина на куќите.
„Луѓето беа преплашени“, изјави еден локален жител за бомбардирањето на Турција врз областа. Многу семејства, кои се припадници на стари христијански малцинства, биле принудени да ги напуштат локалните села. Според извештаите, селата Кеста и Чалке се депопулирани и само неколку семејства остануваат во Миска.
Ова изгледа како етничко чистење, слично на тоа како Турција принуди 170.000 Курди да го напуштат Африн во Сирија откако ја нападнаа областа во 2018 година и испрати џихадистички екстремисти поддржани од Турција да ја окупираат областа и да ги нападнат малцинските Курди и Јазиди.
Илјадници села се оштетени со текот на годините од воените операции на Турција и воздушните напади, а илјадници луѓе мораа да ги напуштат своите домови.. . Курдите стравуваат да се вратат во своите домови каде има бомбардирања.
Ирак се жали дека од 2015 година е зголемено присуство на Анкара. Во последните месеци, бидејќи Турција се закануваше дека ќе изгради повеќе бази, имаше спротивставување од единиците за народна мобилизација, поддржани од Иран, да ја запрат Анкара да го нападне Африн.
Христијанските малцинства се наоѓаат поделени во области контролирани од различни групи во Ниневската рамнина и во курдскиот автономен регион. Многу христијани избегаа од ИСИС за да живеат во Аинкава и во други области во курдскиот регион. Иако старите христијански села останаа непоколебливи, држејќи се до нивниот идентитет и историја – како што е Ал-Кош меѓу Дохук и Мосул – бомбардирањата на Турција предизвикаа несигурност за многу малцинства во Ирак, Сирија и на Блискиот исток.
Распространетиот прогон на христијанитe се граничи со геноцид, се одвива во делови на Блискиот исток и предизвика егзодус во последните две децении, се вели во извештајот на британскиот министер за надворешни работи, Џереми Хант.
Милиони христијани во регионот се избркани од своите домови, а многумина се убиени, киднапирани, затворени и дискриминирани, се наведува во извештајот.
„Неубавата вистина“, открива извештајот, е „дека огромното мнозинство (80%) од прогонуваните верски верници се христијани“, вели Хант.
Тој додаде: „Она што го заборавивме во оваа атмосфера на политичка коректност, всушност се христијаните кои се прогонувани, и се едни од најсиромашните луѓе на планетата. На Блискиот исток населението на христијаните порано беше околу 20%; сега е 5% “.
Христијанството има долга историја во Ирак, со ранoтo преобразувања на Асиријците кои датираат од 1 до 3 век н.е. Овој регион е роднто место на асириската црква, сириска книжевна традиција и центар на мисионерска експанзија што се протегаше до Индија, Централна Азија и Кина.
Според една проценка, во Ирак имало околу 1,5 милиони главно асирски христијани до 2003 година, или 7% од населението, но со падот на Садам Хусеин христијаните започнаа да го напуштаат Ирак во голем број, а населението се намали на помалку од 500 000 денес.
