ОСМАНИ: Не сакаме датум во октомври, поради изборите во Грција

- Advertisement -

Вицепремиерот за евроинтеграции Бујар Османи изјави дека Македонија ќе добие датум за преговори од ЕУ оваа година, но нашата страна посакува тоа да биде до јули, а не во октомври.

Османи како една од причините ги спомена и предвремените парламентарни избори во Грција на 7 јули. Кај јужниот сосед, според резултатите од последните европски и локални избори, треба да победи опозициската Нова Демократија наспроти Сириза на актуелниот премиер Алексис Ципрас со кого беше воспоставен Преспанскиот договор.

Османи рече дека не е прашање дали ќе започнат преговорите годинава, туку дали тоа ќе биде летово или во октомври, и дека тоа ќе биде тема на средбата на премиерот Зоран Заев со германската канцеларка Ангела Меркел следната недела.