- Advertisement -
- Advertisement -
Комисијата за избори и именувања одлучи да избере четворица од пријавените на огласот за граѓански совет за надзор над Оперативно-техничката агенција (ОТА).
За останатите три места, ќе се распише нов оглас. Од пријавените осум, сега комисијата ги прифати кандидатурите на поранешната судијка Цаца Николовска, професорот Гордан Калајџиев, Филип Стојановски и Ице Илиевски.
Цаца Николовска ќе претседава со Советот, а предлогот на Комисијата треба да се стави на дневен ред на следната пленарна седница.
По изборот на членовите, реакција од пратеничката група на ВМРО-ДПМНЕ. Изборот го сметаат за партизиран и оценуваат дека владејачкото мнозинство предводено од СДСМ и ДУИ ги протуркало четворицата членови.
