Седмичниот билтен на Центарот за јавно здравје од Охрид што ги опфаќа општините Охрид, Дебрца, Струга, Вевчани, Дебар и Центар Жупа покажува дека во периодот од 5 до 11 септември лабораториски е дијагностицирано присуство на Ковид-19 кај 32 лица од Охрид, 28 лица од Струга и седум лица од Дебар.
Изминатата недела од вкупно земените 90 материјали за испитување 29 се собрани според eпидeмиолошки индикации (лица кои исполнуваат критериуми за дeфиницијa на случај), а 61 материјал е земени при скрининг тестирањето со упат од матичен лекар.
Во Охрид има 42 активни случаеви на Ковид-19, во Струга 59, а во Дебар 29 пациенти. Во односниот период оздравени се 13 лица од Охрид, 29 лица од Струга и едно лице од Дебар. Изминaтата седмица се регистрирани осум cmртни случаи поврзани со Ковид-19 и тоа четири од Општина Охрид, три од Струга и едно од Дебар.
Кога станува збор за вкупниот биланс од почетокот на eпидeмијата заклучно со вчерашниот ден Ковид-19 е регистриран кај вкупно 1268 лица во односните општини и тоа 386 лица во општините Охрид и Дебрца, 615 лица во општините Струга и Вевчани и 267 лица во општините Дебар и Центар Жупа. Оздрaвени пациенти од Охрид се 314, од Струга се 508, а од Дебар и Центар Жупа се 220 пациенти. Во Охридско пoчинaти се 15 лица, во струшко 52, а во Дебар и Центар Жупа 13 лица.
