Владата вчера донесе одлука за нови рестриктивни мерки во Македонија, со цел да се сопре ширењето на корона вирусот. Тие мерки наидоа на многу негативни критики од населението во Македонија, а одлуките не му се јасни и на микробиологот Никола Пановски.
„Тие што се одговорни и платени да не заштитат, нека кажат зошто го дозволија ова. По кои епидемиолошки критериуми дозволија влез на лица од земји со висок број на заразени слободно да влегуваат во земјава и зошто дозволија свадби во затворен простор?“, вели за „Фокус“, Пановски.
Состојбата во Македонија со коронавирусот значително се влоши во изминатата седмица, а во текот на вчерашниот ден беа регистрирани 378 нови случаи.