Најдобриот македонски кошаркар, Перо Антиќ, како слободен агент дојде на првиот меч на Работнички во салата „Градски парк“ во новата година. Центарци се големи фаворити против АВ Охрид, а тимот на Докузовски од трибините ќе го следи Перо Антиќ.
Македонскиот крилен центар моментално е без ангажман, но низ кулоарите на големо се зборува дека во претстојниот дел од сезоната ќе игра за Работнички, jaвува Гол.мк.
Засега, нема потврда, ниту демант од двете страни, дали овој трансфер ќе се реализира. Доколку Антиќ го облече дресот на Работнички, центарци дефинитивно ќе бидат главни фаворити за одбрана на тронот.