Владимир Пивоваров, национален координатор за гранично управување во емисијата „25 минути“ ги посочи граѓаните како виновници за несреќата во Бугарија во која загинаа 45 лица, бидејќи, како што изјави тој, не ја провериле лиценцата на автобусот. Според него, одговорност имаат и граѓаните како што имаат и институциите.
„Точно е, граѓаните се жртви, меѓутоа, конкретнава ситуација, да се вратиме на автобусот. Дали некој од патниците праша, побара, адли ова возило со кое патуваат има интербус дозвола? Верувам дека не. Апсолутно мора да прашаме, пошто, еве, вие одите некаде на екскурзија со ваше семејство. Апсолутно се надлежни институциите, но велам, јас кога би бил во таа ситуација, секако би се интересирал која е овваа агенција. И кога влегувам во такси, барам тоа да е лиценцирано такси, баш од мојата лична безбедност“, изјави Пивоваров.
