Полска ќе ги продолжи мерките од првично предвидените до 17 јануари 2021 година

- Advertisement -

Полска се соочува со реална закана од трет бран на пандемија на вирусот корона, изјави денеска полскиот министер за здравство, Адам Недзиелски. Тој рече дека ќе препорача ограничувачките мерки што се во сила во моментов да се продолжат барем до 17 јануари.

Полската влада се очекува утре да го донесе националниот план за вакцинација против вирусот корона. Полските медиуми постојано нагласуваат дека болничарите и пациентите сега ги чувствуваат ефектите од постојаниот недостиг на лекари.

Тие набројуваат бројни примери на луѓе кои не добиваат помош и здравствените услови во кои се сместени – последица од тоа што пациентите со КОВИД имаат приоритет во послките здравствени установи.