Државниот секретар на САД, Мајк Помпео, се сретна денес со Вселенскиот патријарх Вартоломеј за време на неговиот краток престој во Турција, што ги разбесни турските власти и за време на кој не беше организирана средба со никој од нив.
Помпео, кој за време на турнејата ќе посети седум земји во Европа и Блискиот исток, објави фотографии на Твитер со патријархот Вартоломеј по посетата на Цариградската патријаршија.
Тој додаде дека патријархот Вартоломеј, „како (духовен) водач на православниот свет“, е клучен партнер во време кога САД продолжуваат да ја застапуваат верската слобода низ целиот свет.
Тој исто така имаше средба со Апостолскиот нунциј во Турција, архиепископот Пол Расел, а беше и во посета на Рустем Пашината Џамија.
Според него, тема на разговор треба да биде верските слободи во Турција, што ја разбесни Анкара и ги охрабри официјалните лица да го повикаат Вашингтон да се фокусира на кршењето на човековите права во САД.
Минатата недела Турција остро ги критикуваше плановите на Помпео и рече дека Вашингтон треба „да се погледне во огледало“ и да решава прашања како расизам, исламофобија и злосторства од омраза.
