Министерот за финансии од времето на СДСМ Никола Поповски, кој важи за добар познаник на екс министерот за внатрешни работи од СДСМ Љубомир Фрчкоски, за дневниот весник Дневник во 2007 година за него изјави:
– За Владата сега ( јануари 2007, н.з. ) е значајно што за ова има подршка и од еден познат и значаен економски експерт во земјава – Љ. Фрчкоски. Курсот по економија го усовршува при пиење кафе со инжињери . Сличен тип на совети на времето како министер за внатрешни работи му даваше и на тогашниот премиер Црвенковски за начинот на решавање на некои тензии што тогаш постоеја кај Албанците. Советите беа за редовна употреба на сила! Црвенковски, за жал, не посвети многу внимание на тоа, па на Фрчкоски како министер почна редовно и неумерено да ја користи полициската сила кон Албанците ( Бит-пазар , Струшко, Мала Речица, Тетово…) , при што имаше и жртви. Но и не само кај нив ( Ѓорче Петров ), Албанците и поради таквиот однос до ден-денешен имаат многу недоверба кон македонската полиција.
