Поранешниот уставен судија, Трендафил Ивановски, во вечерашното гостување на „Топ Тема“ ја коментираше денешната одлука на Апелациониот суд со која поранешната јавна обвинителка Катица Јанева доби домашен притвор наместо досегашниот ефекетивен . Ивановски жестоко ја критикуваше ваквата одлука и потенцираше не е задоволен од таквата ситуација, додавајќи дека системот не функционира добро.
„Состојбата е загрижувачка. Во сето ова, доказ е дека нашиот политички и судски систем, кои требаше да се борат за правна држава, токму тие доведоа да се руши владеење на правото. Јустиција ја закопавме длабоко во земјата. Ваквата состојба во Македонија трае 15 години најмалку. Тој систем наместо да оди напред, оди само назад. Во тој систем се пронаоѓаат различни афери и тоа е доказ дека не ги бива работите“, истакна Ивановски.
