По 20 години, на скопскиот аеродром за прв пат слета комерцијален авион од Москва со што повторно е ставена во функција директната авионска линија Скопје-Москва-Скопје.
Повторното отварање на авионската линија го официјализираа рускиот амбасадор во Македонија Сергеј Баздникин, министерот за транспорт и врски Благој Бочварски и директорот на ТАВ Македонија Метин Батак.
– Денеска на Меѓународниот аеродром Скопје слета првиот авион на руската авиокомпанија „Нордвинд ерлаинс“, со што официјално е воспоставена директната нова редовна линија Москва – Скопје после 20 години пауза. Во свеченото отворање зедоа учество Амбасадорот Сергеј Баздникин, Министерот за транспорт и врски, Благој Бочварски, директорот на ТАВ Македонија, Метин Батак, и претставникот на „Нордвинд“, Глеб Богданов, стои во објавата на ФБ профилот на Руската амбасада во Македонија.
