Владата во соработка со министерстовото за здравство објави протоколи за заштита на граѓаните, поради активирањето на портокаловиот аларм заради високите температури.се препорачува ослободување од работните обврски на бремените жени и повозрасните лица.
Во градинките да не се практикуваат активности на отворено, односно да не се изнесуваат децата надвор од 11 до 17 часот.
Од општинските единици, црвениот крст и центрите за социјални работи се бара поактивен пристап да понудат помош на стари изнемоштени лица и бездомници. Потсетување на обврската за почитување на законските прописи се упати и до работодавците кои што работат со одредени ризични и технолошки процеси, бидејќи во овој случај работниците се изложени на дополнителен ризик по здравјето.