Претседателот на ВМРО-ДПМНЕ, Христијан Мицкоски, по крајот на лидерската средба, кажа дека она што било шпекулација во македонските медиуми минатите денови и онаа шпекулација што вчера Зоран Заев кажа пред јавноста дека е шпекулација излезе дека е вистина.
Мицкоски порача дека за предлогот кој им бил соопштен од Заев и Димитров ќе ги информира органите на својата партија. По тоа, се очекува да биде заземен конечен став од нивна страна.
Тој кажа дека целокупниот процес се водел во тајност и егзебиционистички, загрозувани биле националните позиции на Македонија. Тој кажа дека патот до целта е јасен, а тоа интеграција во ЕУ и Нато, но траекторијата е различна.
-Денеска за прв пат бевме запознаени со предлогот кој Зоран Заев и Никола Димитров го прифатиле, истиот ќе биде претставен и презентиран пред органите на партијата и понатаму партијата благовремено ќе ја информира јавноста. До овој момент нашиот став е непроменет и повторен во многу наврати во минатото, изјави Мицкоски.
Мицкоски кажа дека било прифатено промена на Уставот со цел промена на утавното име.
