Според праксата што се воспостави во Македонија во 1992-та година, претседателот одлучува кому ќе му го додели мандатот, изјави политичкиот аналитичар Александар Даштевски.
-Истражував каква е праксата во Македонија. Имено, во 1992-та година Киро Глигоров го дава мандатот на Љупчо Георгиевски, кој потоа го враќа истиот. Следно, мандатот му е доделен на Гошев од СДСМ, по што во СДСМ се предомислуваат во однос на мандатарот, па мандатот повторно е вратен назад. Глигоров третиот пат повторно му го додели мандатот на СДСМ, овој пат на Бранко Црвенковски да состави Влада. Поради оваа постапка на претседателот, ВМРО-ДПМНЕ во 1992-та година, покренува уставна иницијатива за испитување на уставноста на постапката на претседателот. Уставниот суд носи одлука дека претседателот може да го даде мандатот на кого сака, потсетува Даштевски.
Тој додаде дека треба да се однесуваме согласно одлуката на Уставниот суд.
