Столбовите на програмата на ВМРО-ДПМНЕ се однесуваат на ефикасен систе, ефикасни институции кои беа срзени од kopупцијата. Ние имаме нова развојна стратегија базирана на системски одржливи политики, паралено со Обновата за Македонија изработивме и преодна стратегија за справување со здравствено економските последици од корона кризата, затоа што ако сакаме да стартуваме со програма прво да ја санираме ситуацијата настаната од корона кризата, рече Дарко Лазаров, член на Комисијата за економија на ВМРО-ДПМНЕ во вклучувањето на емисијата Топ тема на телевизија Телма.
Реплицирајќи на соговорникот во емисијата Фатмир Битиќи од СДСМ, Лазаров укажа дека Владата на СДСМ не креираше никакви високо платени работни места.
–Во делот на платите на јавната администрација бевме јасни дека не треба да се намалуваат платите. Тоа го сакаше СДСМ и сега се обидуваат да го заборават. Тие не треба да се намалуваат, туку да растат, рече Лазаров.
Според него владата на ВМРО-ДПМНЕ има јасна цел за економијата.
-До крајот на годината фокус на идната влада на ВМРО-ДПМНЕ ќе биде на заштита на работните места, колку работни места губиме толку повеќе проблеми ќе имаме. Потоа клучно ќе е стимулирање на инвестициите. Ќе работиме на извозна конкурентност само така може да се динамизира економијата и работата на домашните компании, рече Лазаров.
Лазаров кажа дека дел од работните места кои се креирани се од компании и инвестиции донесени од ВМРО-ДПМНЕ.
