Вчера попладне околу 13.00 часот на Клиниката „Мајка Тереза“, почина мајката на првата дама Елизабета Ѓорѓиевска, сопруга на претседателот на Р.Македонија Стево Пендаровски.
Поради епидемијата на опасниот коронавирус посмртно и бил земен брис за да се провери дали била позитивна на Ковид 19: Денес од кабинетот на претседателот не информираа дека тестот е негативен.
Кабинетот на претседателот информира дека резултатите од тестот за коронавирус од мајката на сопругата на претседателот се негативни. Брисот беше земен посмртно, откако г-ѓа Ѓоргиевска (71) почина вчера на Клиниката за пулмологија во Скопје, како резултат на влошување на општата здравствена состојба предизвикана од хронична болест, поради која повеќе од една година беше со исклучително тешка клиничка слика.