Руската армија во сирискиот град Дума пронајде уште еден доказ дека фронтот Нусра произведува хемиско оружје, изјави за новинарите во петокот експерт за радијациона, хемиска и биолошка заштита, полковникот Александар Родионов.
“За време на претресот на хемиската лабораторија на терористите, беше пронајдено големо количество супстанција хексамин, што е уште еден доказ дека терористите произвеле хемиско оружје”, вели Родионов.
Тој додаде дека оваа супстанција се користи за производство на експлозиви, но исто така и за производство на хемиско оружје како што е Сарин.
Претходно, Министерството за одбрана на Русија објави дека повлекувањето на милитантите од Дума целосно завршило на 13 април. Градот го напуштија милитантите и членови на нивните семејства, градот сега е под контрола на сириската влада.