Одлуката треба да се донесе со консензус, без консензус нема фер и демократски избори истакна професорот Александар Даштевски во својата изјава за Инфомакс. Тој понатаму вели дека мора да се создадат пред се здравствени услови за потоа партиите да можат да договорат конкретен датум за избори, потенцирајќи дека ова што го прави Заев е неразумно.
-Треба да се оди според Уставот и Изборниот законик каде според членот 12 претседателот на Собранието ги распишува изборите. Тоа не значи дека мора да се согласи и да се собере собранието туку со оглед дека имаме прекинување повеќе од 60 дена, Уставот тука е јасен. Кога имаме повеќе од 60 дена прекинување на предизборните дејствија, 90 во редовни, 60 во вонредни околности тогаш мора да се донесе нова одлука од претседателот на Собранието. Ние не да имаме 60 туку имаме преку 90. Потребна е нова одлука од претседателот за одржување на изборите и тоа бидејќи се работи за предвремени парламетнарни избори, односно избори за пратеници во Собранието.
