Во засилените акциски контроли од областа на сообраќајот, изминатиот месец во земјава изречени се повеќе од 20.000 казни санкции за сообраќајни прекршоци, а денеска во Гевгелија, за период од еден час изречени се над 60 казни за сообраќајни прекршоци главно за нерегистрирани возила, возачи без возачка дозвола и други сообраќајни прекршоци, информира денеска портпаролот на МВР, Тони Ангеловски.
Ангеловски апелираше до граѓаните на Гевгелија и целата држава да ги почитуваат сообраќајните правила и прописи, не за да ги избегнат казните од полицијата, како што рече, туку за да се воведе ред на улиците и патиштата и да се зголеми безбедноста на сите учесници во сообраќајот.
Ангеловски порача дека засилените акциски контроли во сообраќајот ќе продолжат и во наредниот период поради што повика заеднички сите да придонесеме за безбедност на нашите улици.