SpaceX, компанија на милијардерот Илон Маск, лансираше четворица астронаути кон Меѓународната вселенска станица (ISS).
Ново дизајнираната капсула SpaceX Crew Dragon, која екипажот ја нарече “Отпорност”, беше подигната од ракетата SpaceX Falcon 9 од вселенскиот центар на НАСА Кенеди во Кејп Канаверал, Флорида.
Летот до ISS ќе трае 27 часа. Четиричлениот екипаж го сочинуваат Американците Мајкл Хопкинс, Виктор Гловер и Шенон Вокер и Јапонецот Соичи Ногучи.
Пристигнувањето на ISS е предвидено за вторник наутро.
Ова е прва шестмесечна „оперативна“ мисија со која се потврдува продолжувањето на летовите со човечки екипажи од САД, по деветгодишната пауза и зависноста од Русија.
SpaceX, компанија основана од претприемачот Илон Маск, претходно успешно ја заврши показната мисија која траеше од мај до август, при што испрати двајца астронаути на ISS и без проблем ги врати на Земјата.
Членови на следната мисија со екипаж, планирана за крајот на март 2021 година, ќе бидат европјанинот Том Песке, двајца Американци и еден Јапонец.
