Вчера во Скопје во 81-та година од животот, почина Градимир Јовановиќ–Киби, бардот на македонското радио-новинарството и еден од основоположниците на дневниот весник „Слободен печат“.
Јовановиќ беше единствен во историјата на македонското радио кој во рамки на радискиот фестивал на југословенската радио и телевизија има освоено три 1-ви награди за најдобар радио весник во конкуренција на сите радио станици на СФРЈ како и 1-ва награда во конкуренција за најдобар политички коментар.
Носител е на повеќе професионални награди за новинарство во Р. Македонија, помеѓу кои и наградата за новинарство „Крсте Мисирков”.
Одликуван е со Орден за труд со златен венец од Јосип Броз Тито во името на СФРЈ.
Ќе остане запаметен по своето критичко перо, бескомпромисност и карактеристичен глас.
Погребот е извршен денес, во најтесниот круг на семејството.
