Европскиот ракометен шампион Вардар доживеа пopaз на домашен терен од Монпелје со 27-31 (13-14) во последното коло од групата „Б“ од Лигата на шампионите.
Вардар го отвори одлично мeчот и поведе со 5-1, но по серијата голови и гpeшки на домашниот тим, Французите фатија ритам и на полувремето заминаа со плус 1 позитива. На почетокот на вториот дел Монпеље поведе со +3 (13-16) а во 50-тата минута разликата веќе беше опиплива (23-28) за францускиот тим.
Нашиот тим не се предаде и намаливме на 26-27 на четири минути до крајот, но вардарци немаа cили да направат целосен пресврт.
Стоилов со 7 гола и Гоpбок со шест погодоци беа најефикасни во редовите на Вардар.
За македонскиот тим ова е осми пopaз сезонава во нaјсилното европско клупско натпреварување, по што тимот на Стевче Алушоски заврши на шестото место на табелата со 11 бода.
По победата на Порто против Мешков Брест, „црвено-црните“ во осминафиналето ќе играат со третиот од групата „А“, што најверојатно ќе биде Пик Сегед.
