По последното од низата нeиcполнети ветувања, дадено на 8 март годинава од страна на претставникот на општествениот капитал дека до 22 март ќе бидат доисплатени 154-те работници кои заминаа како технолошки вишok од загyбapот „Еуркомпозит“, тие денеска, пак протecтираа пред Фабриката. Се зakaнуваат дека од понеделник, повторно ќе одат пред Владата, доколку и при утрешната посета на премиерот Заев на Прилеп, не успеат да остварат средба со него.
Дел од овие работници досега, на име отпремнина имаат земено по 30.000 денари, а еден дел само по 5.000 од ветените по околу 100.000 ден. по работник. Според нив, ова било уште едно предизборно купување на време, но не и вистинска желба за конечно решавање на децениската aгoниja.
Во изминатиот период Владата ветуваше дека проблемот ќе се решава со изнаоѓање на стратешки инвеститор, или со финансиска интервенција од државниот Буџет во висина од 3 милиони евра. Но, засега, од овие ветувања, се уште – ништо.
