Актерката од Драмски театар – Скопје, Сања Арсовска, на својот официјален фејсбук профил напиша дека премиерот Заев барал да се поништат решенија за директори, кои веќе биле донесени од комисија и потпишани од министерот за култура.
Се обидувам да си објаснам како е можно Премиер на држава, кој ниту разбира, ниту го интересира уметност, да се јави во Министерство за култура и да поништува решенија за директори веќе донесени од комисија и потпишани од министер.
Со тоа го доведува во прашање имиџот на министерството предодредено да ја извршува таа работа и го потценува капацитетот на луѓето што одлучуваат.
Со тоа дава јасна порака дека сите оние кои се бореле за поинакви вредности се идиоти што идеализирале здраво општество и што верувале дека на чело на институција ќе бидат поставени објективно најдобрите кандидати.
Со тоа им дава јасна порака на уметниците и сите млади надежи дека сите наши уметнички потенцијали можеме за си ги фрлиме у бунар, затоа што има некој што “знае” подобро од нас уметниците и културните работници што и е потребно на културата и уметноста во Македонија.
Со нетрпение ја чекам следната изјава за тоа како Македонија е спремна да оди во ЕУ со воспоставување на европски вредности, каде квалитетот, стручноста и професионалноста ќе бидат над партијата. Прво ќе се насмеам онака тивко, простодушно, а после ќе се фрлам на плачење – напиша актерката Сања Арсовска на својот фејсбук профил.
Во еден од своите коментари под статусот таа дообјаснува:
– Накратко, премиерот не почитува одлуки на министерство. Во петокот беше краен рок за објавување на резултати од конкурс за директори, решенијата беа изготвени, но во последен момент повлечени и некои одлуки укинати на барање на премиерот. Пошо кој би знаел да одлучи најдобро за културата, ако не тој. Министерство се обиде да направи избор на најдобри кандидати, ама очигледно не ни требаат најдобри, ни требаат просечни кадри, да го продолжиме трендот на уништување на
