Владата на Република Српска денеска го одобри Предлог -законот за заштита, зачувување и употреба на јазикот на српскиот народ и кирилицата, по итна постапка, со кој се регулира системот на заштита, зачувување и употреба на јазикот на cрпскиот народ и кирилицата во Република Српска како нематеријално културно наследство, односно културна сопственост од исклучително значење.
Донесувањето на овој закон обезбедува заштита и зачувување на јазикот на српскиот народ и кирилското писмо како нематеријално културно наследство и обезбедува негово пренесување на идните генерации во неговата оригинална форма, а исто така обезбедува ширење на знаење за вредностите и значење на српскиот јазик и кирилицата.
Со него се регулира системот на заштита и зачувување на јазикот на српскиот народ и кирилицата, како и обврската да се користи стандардизирана форма на јазикот на српскиот народ и кирилицата кога се користи во правните трансакции, пренесува РТРС.
