Речиси сите балкански лидери освен во Босна и Херцеговина имаат браќа кои што се помалку или повеќе контроверзни и инволвирани во бизнис зделки и го користат тоа што на власт се нивните најблиски роднини, пренесува Експрес.
Речиси сите се обвинувани дека ги злоупотребиле своите братски врски за да напредуваат во бизнисот и кариерата.
Во Македонија тоа се Зоран и Вице Заев, во Србија тоа се Александар и Андреј Вучиќ.
Во Црна Гора нецели три децении се зборува за врските меѓу браќата Ѓукановиќ, на Косово за браќата Харадинај а во Албанија за браќата Рама.
Кога се зборува за синдромот на “Балканските браќа” неретко се мисли на огромни пари и бизниси, нејасни државни тендери, сомнителни купувања на фирми, закани, нерасчистени насилства, индиции за рекет и слични негативни појави.
За ниту еден од нив досега немало информации за хуманитарни акции, еколошки проекти или слични активности од корист за граѓаните и јавниот интерес.
