Министерството за здравство информираше дека именувале директори на клиниките за кардиологија и очни болести и на Стоматолошкиот клинички центар, откако пред месец и половина директорите што беа именувани како кадар од Алијансата за Албанците си поднесоа оставки.
Д-р Христијан Дума е нов в.д директор на Клиниката за очни болести.
Инаку Христијан Дума, синот на Виолета Дума која последно беше член на Државната изборна комисија, очигледно ја доби функцијата „заслужено“. Практично се поставува прашањето дали синот кој го добил директорското место е еден вид оддолжување за сработеното од страна на мајка му во ДИК за време на изборите во корист на СДСМ.
Нов в.д директор на стоматолошки клинички центар „Св. Пантелејмон3 е д-р Амела Цана, која доаѓа на местото на д-р Агим Караи.
Со Клиниката за кардиологија ќе раководи д-р Жан Зимбаков, кој на функцијата доаѓа по д-р Беким Поцеста.